水魚湯可能大家有飲過，但聽到「水魚刺身」、「水魚血」、「水魚膽汁」…初時我都係滿心質疑，但人一世物一世，即管試下又出奇地容易接受。其實日本有唔少主打「水魚料理」嘅餐廳，但香港就少有，今日以全新面貌開業嘅佐賀產地直送居酒屋 SARA 佐楽 就試得到。
新鮮養殖日本活水魚非常乾淨，唔似野生水魚有寄生蟲及細菌，亦冇泥土腥臭味。只有最高品質嘅日本水魚先可以製成刺身，水魚有豐富維他命、礦物質、胺基酸，低脂、富膠原蛋白，配埋水魚血及膽汁燒酎，補血強身。
「水魚肝」味道最突出，炙燒過嘅肝臟，滑嫩中帶點彈牙爽脆，其實有啲似食肉多過似內臟；但「水魚脂肪」味道好淡冇乜特別，「水魚心」我就冇食到。
「水魚血燒酎」同「水魚膽汁燒酎」顏色係嚇人，但腥味已被酒辟除，有陣水魚獨特嘅香氣，膽汁就入口時有少少苦。最有驚喜卻是醃漬過嘅「水魚卵」，鮮味濃郁，而最討喜就當然係極為香醇嘅「水魚湯」啦。
Search